.png)
«Միքայելյան» համալսարանական հիվանդանոցի գաստրոէնտերոլոգիայի և հեպատոլոգիայի բաժանմունքը հիմնադրվել է 2018թ․-ին։ Բաժանմունքի բոլոր աշխատակիցները դասավանդում են նաև ԵՊԲՀ համանուն ամբիոնում։
Բաժանմունքի բժիշկները զբաղվում են հետևյալ օրգան-համակարգերի հիվանդությունների ախտորոշմամաբ և բուժմամբ՝
- Կերակրափող (այրոց, կլման ակտի խանգարում և այլն)
- Ստամոքս (գաստրիտ, խոց, հելիկոբակտեր պիլորի և այլն)
- Բարակ և հաստ աղիներ (կոլիտներ, փորկապություն, լուծ, Կրոնի հիվանդություն, կոցային կոլիտ, գրգռված աղու համախտանիշ և այլն)
- Լյարդ (դեղնուկ, վիրուսային հեպատիտ (B,C), լյարդի ալկոհոլային հիվանդություն, լյարդի ոչ ալկոհոլային ճարպային հիվանդություն, լյարդի ցիռոզ և այլն)
- Ենթասամոքսային գեղձի հիվանդություններ
Բաժանմունքում ախտորոշման և բուժման համար կիրառում են միջազգային ընդունված ուղեցույցերը՝ փորձելով ետ չմնալ զարգացած երկրներում կիրառվող մեթոդներից։
Բաժանմունքի աշխատակիցները մշտապես հետևում են մասնագիտական վերջին նորություններին, իսկ բարդ կլինիկական դեպքերի պարագայում աշխատանքը լինում է թիմային, որը արձանագրվող բազում հաջող ելքերի գրվականներից մեկն է։
